Ўзбекистон халқ рассоми,академик Раҳим Ахмедов таваллудининг 100 йиллигига бағишланган хотира тадбирлари иккинчи куни ҳам қизғин кечди.
Дастурга кўра, Камолиддин Беҳзод номидаги Миллий рассомлик ва дизайн институтида рассом шогирдлари асарларидан иборат «Раҳим Ахмедов шогирдлари» номли кўргазма очилди ҳамда «Давр ва рассом» номли халқаро илмий-амалий конференция бўлиб ўтди,
Кўргазмада Раҳим Ахмедов таълимини олган С.Рахметов, М.Тошмуродов, Акмал Нур, Ф. Ахмадалиев, А.Икромжонов каби атоқли рассомлар қаламига мансуб асарлар намойиш этилди.
Анжуманда «Раҳим Ахмедов ва ХХ –ХХI аср бошлари Ўзбекистон санъати», «Таниқли рассом ҳақидаги мулоҳазалар», «Рассом ва давр», «Р.Ахмедовнинг ижодий изланишларида халқ бадиий санъатининг ўрни», «Раҳим Ахмедовнинг педагогик фаолияти», «Раҳим Ахмедов асарлари хорижий музей тўпламларида», «Раҳим Ахмедовнинг бадиий меросида ижодий зиёлилар портрети» » ва бошқа маърузалар ўқилди, рассом ҳаёти ва ижодига оид янги маълумотлар тақдим этилди.
