Вазирлар Маҳкамасининг “Ўзбекистон Республикаси Давлат байроғи қабул қилинганининг 31 йиллиги ҳамда Ўзбекистон Республикаси Давлат мадҳияси қабул қилинганининг 30 йиллигини кенг нишонлашга тайёргарлик кўриш ва уни ўтказиш тўғрисида” 7.11.2022 йилдаги 256-сон мажлиси баёни ижросини таъминлаш мақсадида Ўзбекистон Бадиий академияси ҳамда тегишли вазирлик, идора ва ташкилотлар ҳамкорлигида жорий 2022 йил 10 ноябрь – 5 декабрь кунлари “Рангларда акс этган Ватан мадҳи” мавзусида расмлар танлови ташкил этилади.
🔹Танлов 2 ёш тоифасида: 25 ёшгача ҳамда 26 ёш ва ундан катта ёшдагилар ўртасида ўтказилади.
🔹Танловда иштирок этаётган асарларнинг мазмунига қуйидаги талаблар қўйилади:
🔼 Асарларнинг мазмуни танлов мавзусига мос келиши лозим;
🔼 Асарларнинг мазмуни ёшларни ватанпарварлик, улар қалбида Ватанга садоқат, миллий анъана ва қадриятларга ҳурмат туйғусини мустаҳкамлаш, баркамол шахс этиб тарбиялашга йўналтирилган бўлиши, уларнинг билим даражасини ва дунёқарашини ошириши керак;
🔼 Танловда қатнашиш истагида бўлган ижодкорлар ижодий ишларини тегишли ҳужжатлар билан бирга 2022 йил 25 ноябрга қадар ушбу манзил: Тошкент шаҳри, Учтепа тумани, Ширин кўчаси, 55 уй (Республика ихтисослаштирилган дизайн мактаби) га юборишлари лозим.