Бугун, 10 декабрь куни Тошкент фотосуратлар уйида Ўзбекистон Бадиий академиясига қарашли Республика ихтисослаштирилган дизайн мактаби Тасвирий санъат бўлими ўқитувчиларининг Конститутциямиз 28 йиллигига бағишланган “Ижод сеҳри” номли кўргазмаси очилди. Унда 100 га яқин ижодий асарлар намойиш этилмоқда.
Кўргазмада намойиш этилаётган натюрморт, манзара, портрет, маиший жанрларда яратилган асарларда юртимизнинг гўзал манзаралари, ёшлар, меҳнаткаш халқимизнинг олижаноб қиёфаси, бугунги куннинг долзарб мавзулари акс этган.
Ўлмасова Мусаввар (“Чиннигул”, “Анорлар”); Тўрахонов Шодиёр (“Куз”); Жамолиддинов Бахтиёр (“Баҳор”, “Гуллар”); Жамолова Гулноз (“Тўй. Баҳор”, “Хонамдаги севимли бурчагим”); Икматуллаева Лобар (“Бахт”); Ашуров Бекзод (“Ховуз бўйида”, “Натюрморт”); Мамадалиева Мохигул (“Шафақ”, “Сукунат”) сингари мактабимиз утоз-мураббийларининг асарлари эътиборга моликдир.
Мазкур кўргазма устоз-мураббийлар ҳамда ёшларни янада илҳомлантириб, уларни янгидан-янги асарлар яратишига, юксак марраларни эгаллаш учун қобилиятларини намоён этишга чорлайди.
Кўргазма давом этмоқда.
