Бугун, 14 февраль куни Рўзи Чориев номидаги Сурхондарё ихтисослаштирилган санъат мактаб-интернатида шоҳ ва шоир Заҳиридддин Муҳаммад Бобур таваллудига бағишлаб «Буюк сиймоларга эҳтиром» шиори остида маънавий-маърифий кеча ўтказилди.
Тадбирда Термиз педагогика институтининг Тил ва адабиёт кафедраси мудири ва ўқитувчилари ҳам иштирок этишди.
Меҳмонлар сўзга чиқиб, буюк мутафаккирнинг серқирра ижоди, ўзбек адабиётига қўшган ҳиссаси ҳақида ўз фикр-мулоҳазаларини билдирдилар.
Тадбирда ўқувчилар буюк бобокалонимиз ижодидан ғазал ва рубоийлар ўқишди, саҳна кўринишлари намойиш этишди.
