Ўзбекистонда ажойиб бир анъана бор. Об-ҳаво қандай бўлишидан қатъий-назар, ҳар йили 9 февраль куни эрта тонгдан буюк шоир ва мутафаккир Алишер Навоий таваллуди муносабати билан кенг жамоатчилик вакиллари Адиблар хиёбонидаги шоирнинг муҳташам ҳайкали пойида жам бўлади.Ёмғир ва шамол бўлишига қарамасдан, бугун ҳам шундай бўлди. Улуғ шоирнинг 582 йиллиги муносабати билан хиёбон юртдошларимиз билан тўлди. Бу ўзбек халқининг катта адибига бўлган ҳурмати рамзи, албатта.Маросимда давлат ва жамоат арбоблари, шоир ва ёзувчилар, адабиётшунослар, вазирлик ва идоралар, устоз ва талаба, ижодий ташкилотлар ва кенг жамоатчилик вакиллари қатнашди.Тадбирда Ўзбекистон Бадиий академияси жамоаси ҳам иштирок этди ва шоир ҳайкали пойига гулчамбар қўйди.
