Рўзи Чориев таваллуди шодиёналарининг биринчи кунида Рўзи Чориев номидаги Сурхондарё ихтисослаштирилган санъат мактаб-интернатида ташкил қилинган рассом музейининг тантанали очилиш маросими ҳам бўлиб ўтди.
Мазкур музейда атоқли рассомга тегишли шахсий буюмлари, асарларидан намуналар ва фотонусхалар, рассом ижоди ҳақида ёзилган мақолалардан кўчирмалар, ҳаётининг турли паллаларига оид фотосуратлар ўрин олган.
Таъкидланганидек, ушбу музей ёш авлоднинг рассом ҳаёти ва ижоди ҳақида маълумотга эга бўлиши, таассуротларини бойитишга хизмат қилади.
