Рўзи Чориев номидаги Сурхондарё ихтисослаштирилган санъат мактаб-интернатида Халқаро анъанавий Тасвирий ва амалий саньат фестивалининг тантанали очилиш маросими бўлиб ўтди. Фестиваль тантаналари Ўзбекистон халқ
рассоми Рўзи Чориевнинг ҳайкалига гулчамбар қўйиш билан бошланди. Шундан сўнг пойтахтдан ташриф буюрган рассомлар тадбирда сўзга чиқиб, мазкур санъат ҳафталигининг аҳамиятига тўхталишди, ёш истеъдодларни кашф этадиган фестиваль билан ёшларни табриклашди. Мактаб ўқувчиларининг бадиий чиқишлари тадбирга байрамона руҳ берди.
