Ўзбекистон Бадиий академияси раисининг тегишли буйруғи билан Нишанова Камола Солижон қизи жорий йил 6 ноябрдан Камолиддин Беҳзод номидаги Миллий рассомлик ва дизайн институти Илмий ишлар ва инновациялар бўйича проректори лавозимига тайинланди.
К.Нишанова 1978 йилда Тошкент шаҳрида туғилган. 2004 йилда Камолиддин Беҳзод номидаги Миллий рассомлик ва дизайн институти (магистр)ни тамомлаган.
Меҳнат фаолиятини 1997 йилда Тошкент шаҳар 155-сонли мактабда бошланғич синф ўқитувчилигидан бошлаб, ўтган йиллар давомида Ўзбекистон Давлат санъат музейи илмий ходими, Маданият ва спорт ишлари вазирлиги Маданий-маърифий муассасалар, кутубхоналар ва музейлар бош мутахассиси, Музейларни қўллаб-қувватлаш Республика “Ўзбекмузей” жамғармаси илмий, маънавий-маърифий ишлар бўлими мудири, Камолиддин Беҳзод мемориал боғ музейи миниатюра бўлими бошлиғи, Камолиддин Беҳзод номидаги Миллий рассомлик ва дизайн институти музейшунослик кафедраси ўқитувчиси, илмий бўлим методисти, кафедра мудири лавозимларида ишлаган.
Тайинловга қадар К.Нишанова мазкур институт музейшунослик кафедраси доценти лавозимида фаолият юритган.
Камола Нишанова санъатшунослик фанлари фалсафа доктори (PhD) илмий даражасига эга.
