8 март-Халқаро хотин-қизлар байрами арафасида Марказий кўргазмалар залида анъанавий “Баҳор вернисажи” кўргазмаси очилди. Унда аёл рассомларнинг бой ва ёрқин палитраси яққол намоён бўлди.Кўргазмада батик ва гобелен усталари – С.Шихова, И.Бурмистрова,М.Пак, О.Залевская томошабинларга нафис шойи ва рангли қуроқларнинг мозаикаси орқали табиат оламининг гўзаллигини тараннум этиб,ҳайрат бағишлайди.Борлиқдаги шакл фантазияси, тош, ёғоч ва лой фактуралари ҳайкалтарош, «Дўстлик» ордени соҳибаси Л. Нестерович ва кулол Н.Қўзиева томонидан тақдим этилган.Шунингдек, экспозицияда кружева тўқувчи уста Тен Ларисанинг шахсий кўргазмаси намойиш этилмоқда. Унинг асарларида чизиқларнинг нафислиги ва ўзгача жозибасини кўриш мумкин.Асарлар мавзуси баҳор фаслига бағишланган.
Кўргазма ўз ишини 22 мартга қадар давом эттиради.
