Тошкент кулоллик мактабининг таниқли намояндаси, Ўзбекистон Бадиий академияси академиги (1997), Ўзбекистонда хизмат кўрсатган санъат арбоби (1991) Акбар Раҳимов ўз ижоди орқали Тошкент кулоллик мактаби анъаналари (айниқса, «чизма» усули)ни ривожлантирди ҳамда миллий кулоллик санъатининг кўп асрлик ютуқлари, шакл-шамойили, ранг, сир, нақшларни ижодий ўзлаштириб бойитишга катта ҳисса қўшди.
Анъанавий кулолликнинг косагарлик ва кўзагарлик соҳаларини қўшиб олиб бормоқда, янги замонавий манзарали кулоллик асарлари яратмоқда: «Машрафа» гулдонлари, «Купбарг», «Дастагул» нусхали шокосалар, «Қирғовул» палов сервизи (1984—85), «Учта ваза» (1990), «Шобарг», «Гули анор», «Гули урам», «Гулсафсар», «Карнайгул» лаганлари, «Қушлар уйини» намоёни (1979), «Анор шарбати» фаввораси (1982), панжара ва витражлари (1988), мўри (1990) ва бошқалар шулар жумласидан.
Бугун, 1 январь куни 73 ёшни қаршилаган А.Раҳимов 1966 йилдан республика ва халқаро кўргазмаларда ўз ижод намуналари билан мунтазам қатнашиб келмоқда.
