2024 йил 25 январь куни Ўзбекистон Бадиий академияси Тошкент Фотосуратлар уйида Ўзбекистон Бадиий Ижодкорлар уюшмасининг «Театр, кино ва анимация» шўъбаси томонидан Ҳалқаро кино кунига бағишланган “ФАНТАСМАГОРИЯ” номли кўргазмада:
театр, кино ва анимацион фильмлар учун ишланган эскизлар;
креатив картиналар;
инсталляциялар;
перфоманс;
режиссёр ва рассомларнинг асар яратиш жараёнидан фото-кадрлар;
анимацион образлар тасвирланган либослар коллекцияси;
ҳужжатли, бадиий ва анимацион фильмлар намойиш этилади.
Мазкур кўргазма илк бор республикамизнинг профессионал сценограф, кино ва анимация рассомларини жамлаган. Хусусан, Бахтиёр Назаров, Мавзур Махмудов, Ахмад Бабаев, Александр Гамиров, Шуҳрат Абдумаликов, Ахмаджон Оринов, Мурад Карабаев, Шокир Зокиров, Озод Юсупов, Татьяна Фадеева, Гаянэ Матевосян, Жалолиддин Рахимов, Сарвар Йўлдошев, Фурқат Бозоров, Санъат Кенжаев, Нигора Ҳаё, Миржалол Холиқов, Гулноз Жалолова, Зилола Хамидова, Доно Ғаниева, Эдие Яглы. Шунингдек, институтнинг театр, кино ва анимация йўналиши бўйича таълим олаётган иқтидорли талабалар иштирок этган.
Кўргазмада рассомларнинг саҳна ва экран асарини яратишда кечадиган машаққатли жараёнлари ва тайёр спектакль ёки фильм яратилиши ортида рассом томонидан ишланган эскиз, макет ва либослар кўргазма экспозициясидан ўрин олган. Шунингдек, белгиланган график асосида 26-27 январь кунлари ижодий гуруҳ аъзолари иштирокида яратилган ҳужжатли, бадиий ва анимацион фильмлар намойиш этилади.
Кўргазма очилишида анимацион персонажлар тасвирланган либослар коллекцияси намойиш этилади. Ушбу либослар Республика ихтисослаштирилган дизайн мактабининг “Либос дизайни” бўлими ўқитувчилари томонидан яратилган. Шу билан бир бирга саҳна асаридан лавҳа ижро этилади.
Кўргазма куратори: Нигора Ҳаё (с.ф.ф.д (PhD), МРДИ доценти, рассом-аниматор)
Кўргазма 2024 йилнинг 25 январидан 4 февралга қадар давом этади.
