Ўзбекистон халқ рассоми, академик Леким Ибрагимов Италиянинг Флоренция шаҳрида бўлиб ўтган замонавий санъат биенналесида биринчи ўрин соҳиби бўлди. Рассомимиз Florence Biennaleда 5 та асари билан иштирок этди.
Флоренция биенналесининг асосчиси ва вице-президенти Пьеро Целона академик Леким Ибрагимов асарлари ҳақида фикр юритар экан, уларда камдан-кам учрайдиган шарқона мотивларнинг ранг-баранг эканлигини алоҳида таъкидлади.
Дунёнинг 80 мамлакатидан 600 нафар рассомни жамлаган Флоренция биенналесида Л.Ибрагимов Марказий Осиёдан ягона иштирокчи бўлди.
