Бугун, 18 январь куни Бадиий академияси тасарруфидаги Хоразм ихтисослаштирилган санъат мактаб-интернатининг бир гуруҳ ўқувчи, ўқитувчилари ва санъатшунослар Ўзбекистон Бадиий ижодкорлар уюшмаси аъзоси Озод Султоновнинг уй музейига ташриф буюрди.
Меҳмонларга санъатшунос О.Султоновнинг ўзи хамроҳлик қилди ва уларга Хоразм амалий санъатининг кулолчилик, ёғоч ўймакорлиги, кандакорлик йўналишлари тарихи, бугуни хусусида қимматли маълумотларни берди.
Таниқли санъатшунос О.Султонов ўз уйида шахсий коллекциясидан иборат музей очган. Музейдан ўрин олган тасвирий ва амалий санъат асарлари меҳмонларда катта қизиқиш уйғотди.
