Ўзбекистон Бадиий ижодкорлар уюшмаси Андижон вилояти бўлими галереясида Ўзбекистон Бадиий ижодкорлар уюшмаси аъзоси, Андижон давлат университети ва Андижон ихтисослаштирилган санъат мактаб-интернати педагоги Неъматжон Бекмуродов ҳамда шогирдларининг рангтасвир ва графика асрларидан иборат «Чизгиларда аждодларимиз нафаси» номли устоз-шогирд кўргазмаси бўлиб ўтмоқда. Ижодкорларнинг асарларида ифодаланган аждодларимиз тимсоллари ва тарихий воқеликлар томошабинларда катта қизиқиш уйғотиб, санъат ихлосмандларига манзур бўлаяпти. Кўргазманинг очилиш маросимида иштирокчилар фахрий ёрлиқ билан тақдирланишди.
