Тошкент шаҳри, Шайхонтоҳур тумани, «Исломобод» жоме масжидида Ўзбекистон Бадиий ижодкорлар уюшмасининг «Амалий санъат» шўъбаси йиғилиши бўлиб ўтди. Унда усталар иши билан яқиндан танишиш мақсадида Ўзбекистон Бадиий академияси раиси Акмал Нур, раис ўринбосари Ф.Тошмухамедов, уюшма раиси И.Валихўжаев ва шўъба аъзолари, халқ усталари иштирок этишди. Йиғилишда пойтахтимизнинг кўркам объектларидан бирига айланаётган мазкур жоме масжиди деворларига ишланган бадиий безаклар таҳлил қилинди, фикр-мулоҳазалар билдирилди ва ижобий баҳо берилди.
