Бугун Тошкент фотосуратлар уйида давлатимиз мустақиллигининг 30 йиллиги ҳамда Бош қомусимиз қабул қилинганининг 29 йиллиги муносабати билан “Янги Ўзбекистонда эркин ва фаровон ҳаёт” номли фотокўргазма очилди.
Фотокўргазмада қисқа даврда мамлакатимиз эришган ютуқлар акс этган бадиий фотосуратлар намойиш қилинмоқда.
Ўзбекистон Миллий ахборот агентлиги фотомухбирлари фотосуратларида замонавий бунёдкорлик ишлари, эркин фаолият олиб бораётган турли соҳа вакилларининг ютуқлари, тинч ва осуда ватанимизда ёшларимизнинг мамнун қиёфаси, Конституция ҳимоясида билим эгаллаб одимлаётган, ўйнаб-кулаётган болаларимизнинг беғубор чеҳраларини кўрасиз.
Ушбу кўргазма 14 декабрга қадар давом этади.
