Ўзбекистон Республикаси давлат мустақиллигининг 30 йиллиги ва 21 сентябрь — Халқаро тинчлик куни муносабати билан республикамиздаги мактабгача таълим муассасалари тарбияланувчилари ўртасида “Яхшилик ва тинчлик диёри” мавзусида болалар расмлари кўргазмаси ўтказилади.
Тошкентдаги ШҲТ Халқ дипломатияси маркази томонидан ташкил этилаётган мазкур тадбирнинг очилиш маросими 21 сентябрь куни соат 10:00 да Икуо Хираяма халқаро маданият карвон саройида бўлиб ўтади.
