Маълумки, шу кунларда юртимиздаги барча таълим муассасалари талаба-ўқувчилари қишки таътил даврида.
Ўзбекистон Бадиий академияси тасарруфидаги Республика ихтисослаштирилган дизайн мактаби ўқитувчилари учун қишки таътил даврида ўқув жараёнининг услубий таъминотини яхшилаш, илғор педагогик ва ахборот технологияларини ўзлаштириш, маънавий-аҳлоқий тарбия ишларини самарали ташкил этиш ҳамда ўз билим ва кўникмаларини такрорлашга қаратилган ўқув-семинар машғулотлари режа-график асосида ташкил этиб борилмоқда.
Ушбу ўқув-семинар машғулотларидан бири “Ўзбекистон Бадиий академияси тизимидаги ихтисослаштирилган санъат мактаблари ҳамда мактаб-интернатларининг мутахассислик фанлари бўйича янги авлод дарсликлари, ўқув-методик қўлланмалар, каталог-альбомлар ва материалларни тайёрлаш” мавзусида бўлиб ўтди.
Ўқув семинарида лойиҳалаш фанлари ва “Устахонада амалий машғулот” фанидан дарсликлар қандай тайёрланиши ҳақида кўрсатмалар берилди, иштирокчилар бу тўғридаги саволларига атрофлича жавоб олишди.