Шу кунларда Ўзбекистон Бадиий академияси Тошкент фотосуратлар уйида истеъдодли рассом Ғайрат Ибрагимовнинг “INверсия” номли шахсий кўргазмаси давом этаяпти. Кўргазмада рассомнинг 30 га яқин рангтасвир, графика, шунингдек, видео асарлари ўрин эгаллади.
“INверсия” туркумидаги галдаги кўргазмада мухлислар эътиборига муаллифнинг рангтасвир асарлари, уларнинг деярли ҳар бириг медиа шарҳловчи сифатида видеоарт композициялари ҳавола этилди.
Рангтасвир асарларининг авангард услубдаги композицияларида қўлланган миллий, этнографик, қолаверса архаик унсурлар, видеоартлар илова қилинган медиаартларнинг асоси бўлган мусиқадаги миллий оҳанглар бир-бирини тўлдириб, қоришиб кетади.
