Давлатимиз раҳбарининг “Ўзбекистон Республикаси Қуролли кучлари ташкил этилганлигининг 30 йиллиги ҳамда Ватан ҳимоячилари кунини нишонлашга тайёргарлик кўриш ва ўтказиш чора-тадбирлари тўғрисида”ги Фармойиши ижросини таъминлаш, ушбу санага бағишланган тадбирларни ўтказиш бўйича чора-тадбирлар дастурига кўра, Бадиий академия бошқа вазирлик ҳамда идоралар билан ҳамкорликда ҳарбий хизматчилар ва уларнинг оила аъзолари, ёшлар, шунингдек, профессионал ижодкорлар ўртасида “Менинг армиям – менинг фахрим!” мавзусида энг яхши тасвирий санъат асари танлови эълон қилинган эди.
Шу муносабат билан эртага, яъни 8 январь куни соат 11:00 да Тошкент фотосуратлар уйида ушбу танловга тақдим этилган асарлар кўргазмасининг очилиши ҳамда танлов ғолибларини тақдирлаш маросими бўлиб ўтади.
