Andijon viloyatida Xalqaro anʼanaviy Tasviriy sanʼat haftaligining 3-kuni ham o‘ziga xos bayramona ruhda o‘tdi. Erta tongdan O‘zbekiston Badiiy ijodkorlar uyushmasi Andijon viloyati bo‘limi galereyasi joylashgan Jomeʼ meʼmoriy majmuasi hududi ijodkorlar va sanʼat muxlislari bilan gavjum bo‘ldi. Rassomlar, talaba va o‘quvchilar o‘rtasida ijodiy uchrashuvlar, shuningdek, mahorat-darslari, plenerlar tashkil etildi.
