Bugun Ikuo Xirayama xalqaro madaniyat karvon saroyida buyuk qomusiy olim Abu Rayhon Beruniy tavalludining 1050 yilligiga bagishlangan “Abu Rayhon Beruniy siymosi yosh musavvirlar nigohida” nomli rasmlar tanlovi g`oliblarini taqdirlash hamda ko’rgazmasi ochilish marosimi bo`lib o`tdi.
Ko`rgazmada ishtirokchilarning 80 dan ortiq ijodiy ishlari namoyish qilindi.
Tanlov shartlariga ko`ra, unda 14 yoshdan 35 yoshgacha bo`lgan yoshlar ishtirok etib, «Beruniyning kamolot yo`li»,»Beruniy – kitobga oshno qalb sohibi»,»Beruniyning ilmiy tafakkuri»,»Beruniyning jahon tamadduniga qo`shgan hissasi»,
«Buyuk ajdodlarga munosib avlod bo`lamiz» mavzularida ijodiy ishlar taqdim qilishdi.
Hakamlar hay’ati tomonidan ijodiy ishlar mazmundorlik, ranglar mutanosibligi, mavzuning ishlangan asarga mosligi, ijodiy ishdagi texnik mahorat kabi mezonlar asosida baholandi.
Hakamlar hay`ati xulosasiga ko’ra, III o‘ringa Sabiha Isomova (18 yosh, Toshkent shahri), II o‘rin sohibi
Abdumannop Abduvaliyev (15 yosh, Toshkent shahri), I o‘rin sohibi Aziz Mamutov (34 yosh, Qashqadaryo viloyati) munosib topildi.
G`oliblar diplom va esdalik sovg`alar bilan taqdirlandi.
Ko’rgazma joriy yil 25-yanvarga qadar davom etadi.
