O‘zbekiston Respublikasi Prezidentining “Buyuk mutafakkir va qomusiy olim Abu Rayhon Beruniy tavalludining 1050 yilligini keng nishonlash to‘g‘risida” 2022 yil 25 avgustdagi PQ-361-son qaroriga asosan yosh ijodkorlar o‘rtasida “Abu Rayhon Beruniy siymosi yosh musavvirlar nigohida” rasmlar tanlovi tanlovi eʼlon qilinadi.
Tanlov tashkilotchilari: Respublika isteʼdodli yoshlarni qo‘llab-quvvatlash “Ulug‘bek” jamg‘armasi, Respublika Maʼnaviyat va maʼrifat markazi, O‘zbekiston Badiiy akademiyasi.
✅Tanlovning asosiy maqsadi va vazifalari:
O‘zining noyob asarlari hamda olamshumul kashfiyotlari bilan jahon ilm-fani va madaniyati rivojiga beqiyos hissa qo‘shgan buyuk mutafakkir va qomusiy olim, Birinchi Renessans davrining yorqin namoyandasi Abu Rayhon Beruniy dahosi, ilmiy-maʼrifiy merosini yoshlar o‘rtasida keng targ‘ib qilish;
✅Yoshlar ongida vatanimiz tarixi, milliy va umuminsoniy qadriyatlarni qadrlash, maʼnaviy merosimizga vorislik, daxldorlik tuyg‘usini yuksaltirish;
✅Yosh ijodkorlarning tasviriy sanʼatga bo‘lgan qiziqish va intilishlarini qo‘llab-quvvatlash.
✅Tanlov 14 yoshdan 35 yoshgacha bo‘lgan ijodkorlar o‘rtasida tasviriy sanʼatning rangtasvir, grafika yo‘nalishlarida o‘tkaziladi. Tanlovda yurtimizda istiqomat qilayotgan xorijiy davlat yoshlari ham o‘z ijodiy ishlari bilan ishtirok etishi mumkin.
🔹Tanlovga quyidagi mavzularda yaratilgan ijodiy ishlar taqdim qilinadi:
🔼 «Beruniyning kamolot yo‘li»
🔼 «Beruniy – kitobga oshno qalb sohibi»
🔼»Beruniyning ilmiy tafakkuri»
🔼»Beruniyning jahon tamadduni rivojiga qo‘shgan ulkan hissasi»
🔼»Uchinchi Renessans ostonasida: Beruniy izdoshlari»
🔼 «Buyuk ajdodlarga munosib avlod bo‘lamiz»
☑️Tanlov g‘oliblari quyidagicha belgilanadi:
– Oliy o‘rin -1 nafar;
1-o‘rin sohibi – 1 nafar;
2-o‘rin sohibi – 1 nafar;
3-o‘rin sohibi – 1 nafar.
❗️Tanlov uchun arizalar va ijodiy ishlar 2023 yil 18 sentyabrdan 18 noyabrgacha qabul qilinadi.
❗️Belgilangan muddatdan kechikib yuborilgan ijod namunalari ko‘rib chiqilmaydi.
Ishtirokchi Nizomga ilova qilingan ariza-anketa asosida maʼlumot to‘ldirib, har bir ijodiy ish orqa tarafining chap tepa burchagiga yopishtiradi.
❇️Tanlov ishtirokchilarining ijodiy ishlari (har bir ishtirokchidan 1 donadan ijodiy ish) tegishli hujjatlar bilan birga ushbu manzilda qabul qilinadi: Toshkent shahri,Yakkasaroy tumani, Yusuf Xos Hojib ko‘chasi, 37A-uy, Ikuo Xirayama xalqaro madaniyat karvon saroyi.
Murojaat uchun telefon:
☎️71.252-30-88
Quyida “Abu Rayhon Beruniy siymosi yosh musavvirlar nigohida” rasmlar tanlovi Nizomi va Anketasi taqdim etilmoqda.
