Bugun, 6-dekabr kuni Pavel Benkov nomidagi Respublika ixtisoslashtirilgan rassomlik maktabida uning 2012-yil bitiruvchisi, hozirda Toshkent xalqaro kimyo universiteti katta o`qituvchisi Karim Umirov va uning shogird-talabalari ijodiy ishlari ko`rgazmasi ochildi.
Toshkent xalqaro kimyo universiteti Pavel Benkov nomidagi Respublika ixtisoslashtirilgan rassomlik maktabi bilan o`quvchilarni kasbga yo`naltirish va xamkorlik qilish maqsadida ushbu ijodiy ishlar ko`rgazmasini tashkil qildi.
Mazkur tadbirning tashkil etilishi ta’lim muassasalari o‘rtasidagi hamkorlikni yanada rivojlantirishga va o`zaro memorandum imzolanishiga xizmat qiladi.
Tadbirda Toshkent xalqaro kimyo universiteti prorektori K.Axmadjanov, Universitetning arxitektura fakulteti dekani K.Saidov, O`zbekiston Badiiy akademiyasi akademiklari Jamol Usmonov, Anvar Mamajonov hamda Benkov maktabi jamoasi va o`quvchilari ishtirok etishdi.