O‘zbekiston Nogironlar jamiyati hamda Badiiy akademiya hamkorligida bugun Yoshlar ijod saroyida 7 yoshdan 17 yoshgacha nogironligi bo‘lgan iqtidorli yoshlar o‘rtasida rasm chizish bo‘yicha “Maftunkor ranglar jilosi” ko‘rik-tanlovining Respublika bosqichi o‘tkazildi.
Ko’rik-tanlov ishtirokchilarining ijodiy ishlarini baholash uchun Hakamlar hay’ati tarkibida O‘zbekiston Badiiy ijodkorlar uyushmasi a’zosi, “Jasorat” medali sohibi Jasur Jumayev qatnashdi. Shu bilan birga ishtirokchilarga rasm chizish doskasi, qog’ozi hamda zarur rang bo’yoqlari homiylik asosida ajratildi.
