Bugun Xalqaro anʼanaviy Tasviriy va amaliy san‘at festivalining 2-kunida O‘zbekiston tasviriy sanʼat galereyasida Xalqaro turkiy madaniyat tashkiloti – TURKSOY tashkilotiga aʼzo mamlakatlar rassomlarining “Turk dunyosi rassomlarining uchrashuvi” nomli xalqaro ko‘rgazmasi ochildi.
O‘zbekiston tasviriy sanʼat galereyasida ikkinchi bor tashkil qilingan ko‘rgazmada tashkilotga aʼzo barcha davlatlar – Ozarbayjon, Turkiya, Turkmaniston, Qozog‘iston, Qirg‘izistondan 22 nafar, O‘zbekistondan 18 nafar rassomning 70 dan ziyod asari o‘rin oldi.
Ko‘rgazma umumiy madaniyatimizni targ‘ib etish, rassomlarimiz o‘rtasidagi ijodiy aloqalarni yana-da kuchaytirish, hamjihatlikni taʼminlash, muloqot yuritishga xizmat qiladi.
