Шу йил октябрь-ноябрь ойи давомида ўзбек тасвирий санъатининг етук вакили, Ўзбекистон халқ рассоми, Бадиий академия академиги, профессор Малик Набиев таваллудининг 105 йиллиги кенг нишонланади.
Ўзбекистон Бош вазири томонидан тасдиқланган Чора-тадбирлар режасига мувофиқ, рассом таваллудига бағишлаб илмий-амалий конференция, хотира кечаси, мўйқалам устасининг маданий-маънавий меросини халқимизга ва келгуси ёш авлодга етказиш мақсадида ижодий кўргазмалар, кўрик-танлов ташкил қилинади, яшаб, ижод қилган уйига ёдгорлик лавҳаси ўрнатилади.
Бугун, 14 сентябрь куни шу муносабат билан бугун Бадиий академияда рассом таваллуд тадбирларини ўтказиш Ишчи гуруҳининг йиғилиши бўлиб ўтди, тегишли вазифалар муҳокама қилинди, фикр алмашилди, ёдгорлик лавҳаси эскиз лойиҳалари кўриб чиқилди.
