Аввал хабар берганимиздек, Ўзбекистон Бадиий академияси тасарруфидаги Камолиддин Беҳзод номидаги Миллий рассомлик ва дизайн институтида 2021/2022 ўқув йили қабули учун касбий (ижодий) имтиҳонлар давом этмоқда.
Бугун, 29 июль куни Дастгоҳ ва китоб графикаси, Хаттотлик ва миниатюра, Театр-безак рангтасвири, Фильмнинг тасвирий ечими, Мультфильм ва компьютер мультипликацияси, Қўғирчоқ театри рассоми йўналишларига ҳужжат топширган абитуриентлар ижодий имтиҳондан ўтмоқда.
Ўзбекистон Бадиий академияси раиси Акмал Нур, Бош илмий котиб Феруза Обиджонова ҳамда институт ректори Нодирбек Сайфуллаев мазкур жараённи бевосита кузатиб боришди.
