Камолиддин Беҳзод номидаги Шарқ миниатюра санъати музейи ҳамда Япониянинг Аичи санъат университети ўртасида 2019 йилда қадимий қоғоз ва миниатюра санъати ҳамда «The research for the culture of contemporary hand-made paper and artistic expression” – » Замонавий қўлда тайёрланадиган қоғознинг маданий ва бадиий аҳамияти тадқиқи» номли илмий-амалий лойиҳа бўйича Япония, Жанубий Корея, Хитой, Ўзбекистон мутахассислари ҳамкорлигида илмий-тадқиқот лойиҳаларини амалга ошириш мақсадида Меморандум имзоланган эди.
Меморандумга асосан 22 декабрда Камолиддин Беҳзод номидаги Шарқ миниатюра санъати музейига Аичи санъат институтидан Шибазаки Кожи раҳбарлигидаги гуруҳ ташриф буюрди. Учрашувда лойиҳа доирасида амалга ошириладиган ишлар юзасидан фикр алмашилди.Ҳамкорлар музейдаги қўлда қоғоз тайёрлаш устохонаси билан яқиндан таништирилди. Шунингдек, буюк мусаввир Камолиддин Беҳзоднинг миниатюра асарларининг анимацион намойиши меҳмонларда чуқур таассурот қолдирди.
