30 март куни Ўзбекистон Бадиий академияси Тошкент фотосуратлар уйида Ўзбекистонда хизмат кўрсатган фан арбоби, Ўзбекистон Республикаси Давлат мукофоти лауреати, санъатшунослик фанлари доктори, профессор Муҳсин Қодиров таваллудининг 90 йиллигига
бағишланган “КЕЧА ЧОДИР ХАЁЛДИР, КУНДУЗ ЧОДИР ЖАМОЛДИР…» номли кўргазманинг очилиш маросими бўлиб ўтди.Кўргазма экспозицияси атоқли олимнинг илмий тадқиқотлар доирасининг кичик бир қисми, яъни «Халқ қўғирчоқ театри»га бағишланган бўлиб, унда асосан XVIII аср охири – ХХ аср бошида машҳур бўлган “Чодир хаёл” ва “Чодир жамол” театрлари ҳақида ҳикоя қилинади.Кўргазмада илк
бор тадқиқотлар давомида йиғилган ҳамда архив фотолар, этнограф П.А.Комаровнинг Россия этнография музейида сақланаётган уникал қўғирчоқлар коллекциясидан «Чодир жамол» ва «Чодир хаёл» театрининг энг ёрқин қаҳрамонлари нусхалари кўрсатилмоқда.Кўргазмада иқтидорли театр рассоми Татьяна Фадеева ҳам ўзининг инсталляцион асари билан иштирок этмоқда. Шу билан бирга, кўргазманинг
очилиш маросимида Ўзбек миллий қўғирчоқ театрининг режиссёр Фатхулла Хўжаев бошчилигида «Качал полвон» томошаси намойиш этилди.Кўргазма доирасида Муҳсин Қодировнинг 1972 йили нашр этилган «Халқ қўғирчоқ театри» монографияси тўлдирилиб, қайта нашр қилинди.
