Ўзбекистон Бадиий ижодкорлар уюшмаси анжуманлар залида Ўзбекистон халқ устаси,Ўзбекистон Бадиий академияси академиги Ниёзали Холматовнинг хотирасига бағишланган «Ниёзали Холматов. Ҳақиқатни излаб» номли китоб-альбоми тақдимот маросими бўлиб ўтди.
303 бетдан иборат мазкур нашрда ижодкорнинг заргарлик санъати, майда пластика, локли ва эмалли қутичалар, дастгоҳли ва маҳобатли рангтасвир асарлари жамланган.
Санъатшунослик фанлари доктори, академик Акбар Ҳакимов муаллифлигида «San’at» журнали нашриётида чоп этилган мазкур китоб соҳа вакиллари ва санъат ихлосмандлари учун мўлжалланган.
