Ўзбекистон Бадиий академиясининг анжуманлар залида санъатшунос олимлар иштирокида “Рассом ва жамият. Келажак санъати концепциялари” номли халқаро илмий-амалий конференцияси бошланди. Ушбу халқаро анжуманда санъатшунослар томонидан «ХХI асрда рассом ва жамият», » Замонавий санъат ривожланишининг дунёдаги тенденциялари», «Замонавий санъатнинг долзарб муаммолари», «Замонавий санъат ва ахборот жамоати», «Замонавий санъатда анъана ва инновациялар», «Сontemporary art ва бадиий таълим»,»Кўргазмалар фаолиятида contemporary artни ривожлантиришда кураторнинг ўрни», «Замонавий санъат ва музейлар», «Глобализация ва санъатда миллий ўзига хослик муаммолари», «ХХI асрда ёшлар санъати», «Келажак санъати концепциясининг ривожланиши» мавзуларида маърузалар ўқилаяпти. Аҳамиятлиси, мазкур долзарб мавзулар юзасидан мутахассислар томонидан ёзилган мақолалар тўплами нашр қилинди.
