Qashqadaryo ixtisoslashtirilgan san’at maktab-internati ko’rgazmalar zalida O’zbekiston Badiiy ijodkorlar uyushmasi a’zosi Nodir Babaqulovning «Tasvirlarda hayot jilosi» nomli shaxsiy ko’rgazmasining ochilishi bo’lib o’tdi. Ko’rgazmada rassomning o’ttizdan ortiq rangtasvir asarlari namoyish etilmoqda. Ko’rgazmani maktab-internati direktori N.Xolmuradova kirish so’zi bilan ochib berdi. San’atshunos Sh.Homiidova, O’zbekiston Badiiy ijodkorlar uyushmasi Shahrisabz shahar bo’limi raisi Toshpo’lat Namazov va faxriy ustozlar so’zga chiqishdi. Ko’rgazma tashrif buyuruvchilarga yaxshi taassurot qoldirdi.
